ՉԺՀ ԱԳՆ ներկայացուցիչ Խոն Լին Պեկինում կայացած մամլո ասուլիսում նշել է. ««Սիրիայի բարեկամների» նիստը տեղի կունենա ապրիլին Ստամբուլում, սակայն ներկայիս պայմաններում Չինաստանը դրան չի մասնակցի»: Նա ընդգծել է, որ սիրիական հիմնախնդրի լուծումը շահագրգռված կողմերի միջև համագործակցություն և երկխոսություն է պահանջում: Խոն Լիի խոսքով` Չինաստանը կհամագործակցի շահագրգռված կողմերի հետ սիրիական ճգնաժամի խաղաղ լուծման որոնումներում:
«Սիրիայի բարեկամների» առաջին նիստը տեղի է ունեցել փետրվարին Թունիսում առանց Ռուսաստանի և Չինաստանի ներկայության: