ՀՀ ԿԸՀ-ն երեկ հրապարակել է ԱԺ առաջիկա ընտրությունների նորամուծության՝ էլեկտրոնային եղանակով քվեարկելու իրավունք ունեցողների ցուցակը, որում ներառված են արտերկրում գտնվող դիվանագետները և նրանց ընտանիքի անդամները: Հրապարակված ցուցակից տեղեկանում ենք, որ Հայաստանն ունի 238 քաղաքացի, որոնք արտերկրում գտնվող ՀՀ դիվանագիտական և հյուպատոսական ներկայացուցչչությունների ծառայողներ են կամ ծառայողի ընտանիքի անդամներ, որոնք ծնողների հետ բնակվում են արտերկում: Նրանք կարող են ապրիլի 27-ից մայիսի 1-ը էլեկտրոնային եղանակով քվեարկել, որի արդյունքները, սակայն, կհրապարակվեն մայիսի 6-ին ԱԺ ընտրությունների քվեարկության ավարտից հետո: