Եվրախորհրդարանն ընդունել է բանաձև, որում կոչ է արել Հոկեյի միջազգային ֆեդերացիային (IIHF) Բելառուսին զրկել 2014-ի աշխարհի առաջնությունն անցկացնելու իրավունքից: Եվրախորհրդարանականները նման որոշում ընդունել են Բելառուսում քաղբանտարկյալների առկայության և մարդու իրավունքների ոտնահարումների բազմաթիվ փաստերի պատճառով:

Պատգամավորները, մասնավորապես, կոչ են արդել ԵՄ հոկեյի ազգային ֆեդերացիաներին ճնշում գործադրել IIHF վրա, որպեսզի այս տարվա մայիսին Հելսինկիում կայանալիք կոնգրեսում որոշում ընդունվի առաջնությունը տեղափոխել այլ երկիր, քանի դեռ Բելառուսում չեն ազատվել բոլոր քաղբանտարկյալները, հաղորդում է Lenta.ru-ն:

Անցած շաբաթ ԵՄ խորհուրդը որոշում է ընդունել Բելառուսի նկատմամբ պատժամիջոցների հերթական ընդլայնման մասին: Մի շարք սահմանափակումներ են դրվել խոշոր բելառուսցի գործարարների վրա: