Մարտի 29-ին ԼՂՀ արտաքին գործերի նախարարի պաշտոնակատար Վասիլի Աթաջանյանը ընդունել է ԵԱՀԿ Գործող նախագահի Անձնական ներկայացուցիչ (ԳՆԱՆ), դեսպան Անջեյ Կասպշիկին:
Հանդիպման ժամանակ քննարկվել են երկուստեք հետաքրքրություն ներկայացնող հարցեր, ինչպես նաև ԼՂՀ և Ադրբեջանի զինված ուժերի շփման գծում տեղի ունեցած ԵԱՀԿ առաքելության կողմից իրականացված դիտարկման արդյունքները, հայտնում է ԼՂՀ ԱԳՆ մամուլի ծառայությունը: