Ելույթ ունենալով ՀԱԿ հանրահավքում, որն այժմ ընթանում է Երևանում Ազատության հրապարակում, «Հայկական ժամանակ» թերթի գլխավոր խմբագիր Նիկոլ Փաշինյանը իշխանությունը համեմատել է աճպարարների հետ, ովքեր «սև ցիլինդրներում մկանը վերածում են թմբուկի, իսկ հետո պնդում են, որ մուկը դարձել է թմբուկ»: Բացի դրանից, Փաշինյանն ուշադրություն է դարձրել նրան, որ ՀՀԿ-ն հավաստիացրել է, որ նրա ցուցակում չեն լինի ձեռնակատերեր և մականուններով մարդիկ, իսկ հետո սկսել է ընթերցել պատգամավորների այն թեկնածուների անունները, ովքեր մտել են ՀՀԿ ընտրացուցակ:
Փաշինյանը նաև դիմել է թիվ 7 ընտրատարածքում իր հակառակորդ Սամվել Ալեքսանյանին, նշելով, որ եթե վերջինն այդքան ժամանակ մասնակցել է խորհրդարանական աշխատանքին, բայց շատ է բացակայցել, ապա դա կասկածելու տեղիք է տալիս:
Միաժամանակ, նրա տեղեկություններով, Ալեքսանյանը ներկայացրել է բժշկական տեղեկանք, ինչը, Փաշինյանի կարծիքով, նշանակում է, որ նա հիվանդ է վտանգավոր խրոնիկ հիվանդությամբ և հեգնանքով նշել, որ «հաղթելով ես հնարավորություն կտամ Ալեքսանյանին բուժվել «հիվանդությունից»:
Նա նաև հայտարարել է, որ եթե «հասարակական, քաղաքական, իսկ երբեմն նույնիսկ պետական գործիչը, ինչպիսին ներկայացնում է Սամվել Ալեքսանյանին Սերժ Սարգսյանը, վախենում է տեսախցիկներից և այդ պատճառով չի ցանկանում մասնակցել հեռուստաբանավեճերի, ապա նա Ալեքսանյանին բանավեճի կհրավիրի թիվ 7 ընտրատարածքի բակերում»:
