Տուվալուի ԱԳՆ քարտուղար Տապուգաո Ֆալեֆոուն մեկնաբանել է Հայաստանի հետ հարաբերություններ հաստատելը: Նրա խոսքով, կառավարության որոշումը Հայաստանի հետ դիվանագիտական հարաբերություններ հաստատելու մասին ոչ մի ֆինանսական եկամուտ չի հետապնդել:
ՄԱԿ-ում Տուվալուի և Հայաստանի մշտական ներկայացուցիչների միջև դիվանագիտական հարաբերություններ հաստատելու մասին համաձայնագրի ստորագրման փաստը բացասական արձագանքներ է առաջացրել որոշ երկրներում, այդ թվում՝ Ադրբեջանում, որը Տուվալուի կառավարությանը համարյա մեղադրել է նրանում, որ որոշակի դրամական պարգևատրման դիմաց համաձայնվել է ճանաչել Լեռնային Ղարաբաղը:
«Հայաստանի կողմից ֆինանսական աջակցության մասին խոսք չի եղել, ինչպես նաև նման աջակցության մասին խոստումներ»,- ասել է Ֆալեֆոուն: Նրա խոսքով, Հայաստանն ուղղակի գտնվել է երկրների ցուցակում, որոնց հետ Տուվալուն պատրաստվում է դիվանագիտական հարաբերություններ հաստատել, հաղորդում է Radio New Zealand International-ը:
