Մաշտոցի պուրակում այսօր` ժամը 11:00-ին, կրպակներն ապամոնտաժող բրիգադն եկել էր այգի ներկայացնելու իրենց հետագա անելիքները: Ինչպես PanARMENIAN.Net–ի թղթակիցը տեղեկացել է, բրիգադի անդամ Մանվել Սարգսյանը հայտարարել է, որ իրենք այսօր անցնելու են արգելապատնեշները և սկսելու են կրպակների ապամոնտաժումը: Այս հայտարարությունից հետո փոխոստիկանապետ Կարեն Մովսիսյանն ասել է, որ ոստիկանությունն իր որոշումը չի փոխել և խոչընդոտելու է ապամոնտաժման գործողությունները և արգելապատնեշներից այն կողմ անցնելու դեպքում, այդ գործողությունները ապօրինի կորակվեն:

Ոստիկանների հետ բանակցություններից հետո բրիգադի մի քանի անդամներ` Արմեն Մովսիսյանը, Անդրեաս Ղուկասյանը, Արմեն Հովհաննիսյանը, մի քանի անգամ անցել են արգելապատնեշներից ներս ապամոտաժման համար չափումներ իրականացնելու նպատակով, սակայն ոստիկանները դուրս են բերել բրիգադի անդամներին բուտիկներից: