«Ադրբեջանում կազակներ չկան»,-հայտարարել է Հայսաստանի կազակների ներկայացուցիչ Արթուր Մաքսապետյանը` PanARMENIAN.Net-ի թղթակցի հետ զրույցում` մեկնաբանելով «Ադրբեջանի Կազակների միության»` Ղարաբաղի դեմ պատերազմի դեպքում ադրբեջանական բանակին միանալու մասին հայտարարությունը: Ըստ նրա, դրա մասին նրանք բազմիցս հայտարարել են, իսկ ադրբեջանական կազակությունն ուղղակի խեղկատակություն է: «Կազակը կենսաձև է, որը հիմնված է Քրիստոսի հանդեպ հավատի վրա»,-ընդգծել է Մաքսապետյանը,-իսկ որոշ ադրբեջանցիների` իրենք իրենց կազակներ հռչակելը պարզապես ծիխաղելի է»: Բացի այդ, նրանց աջակցությունն ադրբեջանական բանակին որևէ անհանգստություն չպետք է առաջացնի, քանի որ դրանից հետո ադրբեջանական բանակը հաստատ ավելի չի ուժեղանա: Նա նաև ընդգծել է, որ հայկական կազակները կապեր է պահպանում Ռուսաստանի, Ուկրաինայի և Բելառուսի իսկական կազակական միավորումների հետ:
