Sky News բրիտանական հեռուստաալիքը խոստովանել է, որ կոտրել է մասնավոր անձանց էլեկտրոնային փոստն ու դիտել նրանց նամակագրությունը: Ընդ որում, ալիքի հայտարարության համաձայն, իր աշխատակիցները դա արել են` ելնելով հասարակական շահերից, հաղորդում է ԻՏԱՐ-ՏԱՍՍ-ը:
Իր հայտարարության մեջ հեռուստաալիքը էլեկտրոնային փոստարկղեր կոտրելու երկու դեպք է խոստովանել: Սա հերթական լուրջ հարվածն էր Ռուպերտ Մերդոքի մեդիակայսրությանը, որի մեջ մասամբ մտնում է Sky News-ը: Նրա որդին` Ջեյմս Մերդոքը ստիպված էր լքել British Sky Broadcasting Group, BSkyB արբանյակային հեռարձակման բրիտանական ընկերության ղեկավարի պաշտոնը: