Իրանի նավթամթերքի վերամշակման ու բաշխման ազգային ընկերությունը բողոք կներկայացնի Եվրոպական միությանը` ԵՄ, ընդդեմ գերմանական նավթային «Մանն» ընկերության Շազանդեի նավթավերամշակող գործարանի ընդլայնման վերաբերյալ պարտավորությունները չկատարելու համար:
Մինչ Իրանի դեմ ուղղված բանաձևերի ընդունումն ու Իրանի նավթային արդյունաբերության շրջափակումը գերմանական «Մանն» ընկերությունը Իրանի ազգային ընկերության հետ պայմանագիր էր կնքել մեքենասարքավորումների վաճառքի և տեղադրման վերաբերյալ, հայտնում է «Ինովեշչանիե» գործակալությունը:
Գերմանական ընկերությունը մինչ օրս հրաժարվում է կատարել պարտավորությունները: Իսկ Իրանի նավթի նախարար Ռուստամ Կասեմին արգելել է օտարերկրյա նորարարություններ և նորամուծություններ ձեռք բերել: