ՀՀ նախագահ Սերժ Սարգսյանն այսօր հանդիպեց էրբունցիների հետ: Հանդիպման ժամանակ նախագահը նշեց, որ ընտրությունները կարևոր պահ է, երբ իշխանությունը զեկուցում է իր արածը և ներկայացնում հետագա ծրագրերն ու անելիքները: Նախագահը կոչ արեց էրեբունցիներին քվեարկել Էրեբունի համայնքի թիվ 12 ընտրատարածքում մեծամասնականով առաջադրված հանրապետական Մհեր Սեդրակյանի օգտին:

Խոսելով արտաքին քաղաքականության մասին` նախագահը նշեց, որ անցած տարիների ընթացքում իշխանությունն այս ոլորտում նախաձեռնող է եղել. «Հետագա տարիներին արտաքին քաղաքականության ոլորտում մենք աշխատելու ենք Հայաստանի դերի մեծացման ուղղությամբ»: Սերժ Սարգսյանը խոսեց նաև իշխանություն-ընդդիմություն հարաբերությունների մասին, նշելով, որ իշխանությունը որդեգրել ավելի քաղաքակիրթ բանավեճի ու հանդուրժողականության քաղաքականություն: