Երեւանի Ազատության հրապարակում այսօր 16:00 սկսված ընդդիմության հանրահավաքի ավարտից հետո մասնակիցները շարժվել են դեպի նախագահի նստավայրը: Գործող իշխանությունների հրաժարականի պահանջով երթ կազմակերպելու կոչեր էին պարունակվում թռուցիկների մեջ, որոնք ընդդիմության ակտիվիստները բաժանում էին դեռեւս հանրահավաքից առաջ: Ներկայումս, երթի մասնակիցները Բաղրամյանի պողոտայի վրա կանգնեցված են ոստիկանության զորքերի պատնեշով` ՀՀ Ազգային ժողովի շենքի մոտ (նախագահի նստավայրից մի փոքր ներքեւ): Նշենք, որ այսօրվա բողոքի ակցիային մասնակցող մարդկանց թիվը (մոտավորապես 10 հազար հոգի) զգալիորեն զիջում է ապրիլի 9-ի հանրահավաքի մասնակիցների թվին: Ընդդիմության ղեկավարները դա բացատրում են Հայաստանի տարբեր մարզերից Երեւան բերող ճանապարհների փակ լինելով: