Դոնեցկի «Մետալուրգը» Ուկրաինայի գավաթի քառորդ եզրափակիչում նվազագույն հաշվով հաղթանակ է տարել «Զարյայի» նկատմամբ: 108-րդ րոպեին գոլի հեղինակ է դարձել Լաքի Իդախորը: «Մետալուրգի» մեկնարկային կազմում խաղադաշտ են դուրս եկել Հայստանի հավաքականի ֆուտբոլիստներ Կառլեն Մկրտչյանը և Գևորգ Ղազարյանը:

Խաղից հետո դոնեցկյան թիմի մարզիչ Վլադիմիր Պյատենկոն ընդգծել է, որ խաղը ծանր էր և լարված: «Միգուցե, ինչ-որ առումով, մեր բախտը բերեց: Ուզում եմ նշել, որ մեր տղաները մինչև վերջ հիանալի խաղ ցուցադրեցին: Նույն բանը կարող եմ ասել նաև «Զարյայի» ֆուտբոլիստների մասին»,-մարզչի խոսքը հաղորդում է «Մետալուրգի» պաշտոնական կայքը:

Ուկրաինայի գավաթի կիսաեզրափակիչ են դուրս եկել նաև «Շախտյորը», որին հաղթանակ է բերել Հենրիխ Մխիթարյանը, «Կարպատները» և «Վոլինը»: