Վանյանը Գյումրուց փախուստի դիմեց. ադրբեջանական ֆիլմերի փառատոնը չի կայանա
PanARMENIAN.Net-ի թղթակցին Գյումրիի պիկետի մասնակից Վազգեն Մարտիրոսյանն ասաց, որ քիչ առաջ «Ասպարեզ» ակումբի բակ մեքենա մտավ, որով Վանյանը կարողացավ փախչել հավաքվածներից:
«Մեզ չթողեցին մտնել բակ, նա արագ մեքենա նստեց ու փախավ, ոմանք մեքենայի վրա սկսեցին ձվեր նետել և հարվածել»,- ասաց պիկետի մասնակիցը:
Ավելի վաղ պիկետի մասնակիցները մտել էին ակումբ ու բանակցել, արդյունքում Վանյանն ասել էր, որ ֆիլմի ցուցադրություն չի լինի, եթե ինքը կարողանա անվտանգ դուրս գալ այդտեղից:
Հիշեցնենք, որ Գյումրիում Խաղաղարար նախաձեռնությունների Կովկասյան կենտրոնը Գեորգի Վանյանը նախաձեռնությամբ ԱՄՆ դեսպանատնից ստացած գրանտով հերթական անգամ փորձում էր անցկացնել այսպես կոչված ադրբեջանական ֆիլմերի փառատոն: Նմանատիպ փառատոները նախորդ տարիներին արդեն տապալվել են:
