Չինաստանում արգելափակվել է ողջ արտասահմանյան ինտերնետը: Այդ մասին գրում է oko-planet.su-ն:
Հաղորդագրության մեջ նշվում է, որ օտարերկրյա կայքերի արգելափակման մասին առաջին տեղեկությունները Չինաստանում սկսել են հայտնել հինգշաբթի օրը` Պեկինի ժամանակով առավոտյան ժամը 10-ին: Միկրոբլոգերում առկա տեղեկատվության համաձայն` դադարել են բացվել ԱՄՆ-ում, Եվրոպայում, Ռուսաստանում, ինչպես նաև Հոնկոնգում և Թայվանում տեղակայված կայքերը:
Որոշ բլոգերներ այդ արգելափակումը կապում էին Սումատրա կղզում վերջերս տեղի ունեցած երկրաշարժի հետ (իբր կտրվել էր ստորջրյա մալուխը):
Ժամը 11-12-ին սկսեց հաղորդագրություն տարածվել, որ Չինաստանում նախապատրաստվում են Ժողովրդական ներկայացուցիչների համաչինական ժողովի հերթական նստաշրջանին, սակայն ավելի ուշ այդ հաղորդագրությունը` ներառյալ դրա վերաբերյալ բոլոր արձագանքները ջնջվեցին: