Արժույթի միջազգային հիմնադրամը մտահոգված է նրանով, որ աշխարհում կյանքի տևողության միջին աճը կարող է դառնալ սոցիալական ապահովման համակարգի կաթվահարման պատճառ: Այդ մասին գրում է «Ռոսբալտը»՝ մեջբերելով Corriere della Sera թերթը:

ԱՄՀ-ն վերլուծական հաշվետվություն է պատրաստել գլոբալ ֆինանսական կայունության վերաբերյալ, որում նշվում է, որ երեք տարով կյանքի տևողությունն ավելանալու դեպքում երկրի բնակչության կեսը կծերանա:

Դրան խոչընդոտելու համար ԱՄՀ-ն առաջարկում է ավելացնել կենսաթոշակային տարիքն առանձին պետությունների կողմից հատուկ օրենքներ ընդունելու միջոցով: