ԱՄՆ-ն համաձայնագիր է կնքել Բրազիլիայի հետ, որի շրջանակներում ԱՄՆ-ն օգնություն կցուցաբերի Բրազիլիային օդանավակայանների ենթակառուցվածքների արդիականացման հարցում: Արդիականացումն անհրաժեշտ է 2014թ. ֆուտբոլի աշխարհի առաջնության և 2016թ. ամառային Օլիմպիադայի կապակցությամբ, ասվում է պաշտոնական հաղորդագրության մեջ: Համագործակցությունն, ներառյալ ինչպես կառավարական, այնպես էլ հասարակական կազմակերպությունների գործակցությունը, ուղղվելու է օդանավակայանների զարգացմանը, ավիացիոն անվտանգության բարձրացմանը:

Սպիտակ տունն արդեն հավանություն է տվել հուշագրի ստորագրմանը, հայտնում է ato.ru-ն: