Իրանն ուժով կպատասխանի իր տարածքային ամբողջականությանն ու ինքնիշխանությանը սպառնացող ցանկացած վտանգի: Այդ մասին այսօր հայտարարել է Իրանի նախագահ Մահմուդ Ահմադինեժադը` հանդես գալով Բանակի օրվա կապակցությամբ: Նա չի ընդգծել, թե ում են ուղղված այդ հայտարարությունները: Իրանը այդպիսի հայտարարություններով բազմիցս հանդես է եկել ԱՄՆ և Իսրայելի նկատմամբ:
Իրանի նախագահն ընդգծել է նաև տարածաշրջանային համագործակցության կարևորությունը` Պարսից ծոցում անվտանգությունն ապահովելու համար:
Ահմադինեժադի հայտարարությունը հնչել է Քաթարի մայրաքաղաքում ՄԱԷ և Իրանի միջև տարածքային վեճին նվիրված հանդիպումից մի քանի ժամ առաջ, հաղորդում է Iran.ru-ն: