Ռուս-հայկական համալսարանում տեղի է ունեցել ՄԱԿ-ի անկյունի բացումը
Ապրիլի 17-ին Ռուս-հայկական համալսարանի գրադարանում տեղի է ունեցել ՄԱԿ-ի անկյունի բացումը, որի միջոցով համալսարանի ուսանողների համար հասանելի կլինեն ՄԱԿ-ի արժեքները և ՄԱԿ-ի երևանյան գրասենյակի գործունեությունն ու գրականությունը:
ՄԱԿ-ի անկյունը բացվել է Միավորված ազգերի կազմակերպության և ՌՀՀ համագործակցության ծրագրի շրջանակներում:
Պայմանագրի շրջանակներում նախատեսվում է անցկացնել «ՄԱԿ-ի մոդել» կոնֆերանսը, կազմակերպել միջոցառումներ, որոնք ուսանողներին կծանոթացնեն ՄԱԿ-ի գործունեությանը:
ՄԱԿ-ի անկյունի բացումը այն միջոցառումների շարքից է, որոնք նվիրված են Հայաստանի` ՄԱԿ-ին անդամակցելու և ՄԱԿ-ի գրասենյակի` Երևանում բացվելու 20-ամյակներին:
