«ՉԻ» հասած տեղեկությունների համաձայն, չի բացառվում, որ մոտ օրերս տարբեր համայնքներում քիչ թե շատ հայտնի որոշ մականունավորներ ՌԴ-ից ժամանեն Հայաստան, որոնց դերն ու նշանակաթյունը ընտրությունից ընտրություն անուրանալի է դառնում: Այս օրերին մասնավորապես տրվում են մի քանի այդօրինակ մականունավորների անուններ,որոնցից առավել շատ շրջանառվում են Արաբկիրցի «դուխով» Պոնչի ու Էջմիածնեցի գոնչ Ավոյի անունները, որոնց մասնակցությունը այս ընտրություններում գնալով կարծես թե ավելի պահանջված է դառնում:
Թերթը գրում է, որ լուրեր կան, թե որոշ քիչ թե շատ հայտնի մականունավորներ էլ, որոնք այս օրերին անազատության մեջ են, բախտի բերմամբ հայտնվեն ազատության մեջ, քանի որ նրանց ներկայությունը նույնպես կարող է եղանակ ստեղծել այս ընտրություններում: Օրինակ, շատ հավանական է, որ Աջափնյակ համայնքում ինչ-ինչ շրջանակներում հայտնի Կռիսի տղան նույնպես հայտնվի ազատության մեջ:
