ԲՐԻԿՍ (Բրազիլիա, Ռուսաստան, Հնդկաստան, Չինաստան, Հարավային Աֆրիկա) երկրները պատրաստ են մասնակցել Արժույթի միջազգային հիմնադրամի ռեսուրսների համալրման ծրագրին, եթե նրանց լիազորությունները կառույցում ընդլայնվեն: ԲՐԻԿՍ երկրների այդ դիրքորոշումը հրապարակել է Բրազիլիայի ֆինանսների նախարար Գիդո Մանտեգան, հայտնում է «Ռոյթերս» գործակալությունը: «Մենք դեռ չենք կարող կոնկրետ թիվ նշել, քանի որ կան նախնական պայմաններ, որ պետք է պահպանվեն»,-ասել է նա:
ԱՄՀ ղեկավար Քրիստին Լագարդը հայտարարել է, որ ԱՄՀ-ն մոտ 400 մլրդ դոլարի լրացուցիչ ֆինանսավորման կարիք ունի: Ըստ նրա, այդ միջոցներն անհրաժեշտ են հիմնադրամին, եվրոյի գոտու ճգնաժամին հակազդելու համար:
Եվրոպական երկրներն ու Ճապոնիան պատրաստ են տրամադրել մոտ 320 մլրդ դոլար: Մնացած 80 մլրդ դոլարը կառույցը հուսով է ստանալ ԲՐԻԿՍ-ից:
