Հմայակ Հովհաննիսյան. Հնարավոր է՝ Ծառուկյանի մի կողմում հեռախոս է եղել, մյուս կողմում՝ զենք
Ո՞վ է ստում. Վարդան Օսկանյա՞նը, թե Գագիկ Ծառուկյանը, և վերջիվերջո Ծառուկյանը ընտրողների հետ հանդիպման գնալիս զենք կրե՞լ է, թե դա հեռախոս է եղել: Այսօր լրագրողների հետ հանդիպմանը, պատասխանելով այս հարցերին, Քաղաքագետների միության նախագահ, ԲՀԿ-ական Հմայակ Հովհաննիսյանն ասաց. «Մենք ապրում ենք այն երկրում, որտեղ քրեական խմբավորումներ, Լիսկայի նման տարրեր կան: Մարդն իրավունք ունի զենք կրի և պաշտպանվի: Նա պետք է օգտագործի իր սահմանադրական իրավունքը: Այս զենքը օրինական է: Շատ հնարավոր է, որ մի կողմում հեռախոս է եղել, մյուս կողմում՝ զենք»:
