Ֆուտբոլի Եվրոպայի առաջնության եզրափակիչ մասի անվտանգության ապահովման նախապատրաստական աշխատանքները մոտենում են ավարտին:
«Ներկայումս մենք ձգտում ենք հայտնաբերել և չեզոքացնել ֆուտբոլային առաջնության անվտանգ և հարմարավետ անցկացումն ապահովելու կոչված նախարարությունների և գերատեսչությունների աշխատանքի համակարգման բոլոր «թույլ կողմերը»,-ասել է Ուկրաինայի Ազգային անվտանգության և պաշտպանության խորհրդի քարտուղար Անդրեյ Կլյուևը:
Մշտապես իրականացվում են բոլոր ծառայությունների ներկայացուցիչների մարզումներ: Մինչև ապրիլի վերջ ծրագրվում է անցկացնել հիմնական մարզումները: Ծրագրվում է մոդելավորել բոլոր հնարավոր արտակարգ իրավիճակները:
«Ես համոզված եմ, որ Ուկրաինայի հատուկ ծառայությունները, իրավապահ մարմինները, փրկարարական և բուժանձնակազմերը կապահովեն EURO-2012 բոլոր հյուրերի անվտանգությունն ու հարմարավետությունը:
Համոզված եմ, որ հունիսին Ուկրաինայում և Լեհաստանում իսկական ֆուտբոլային տոն կլինի»,-ասել է նա: