ԵՊԼՀ նախկին ռեկտոր Սուրեն Զոլյանը փորձել է հանդիպել վարչապետ Տիգրան Սարգսյանի հետ, սակայն դա նրան չի հաջողվել: Այսօր բուհի ուսանողների հետ հանդիպմանն այս մասին ասաց ինքը Զոլյանը՝ նշելով, որ ապրիլի 11-ին դիմում է ներկայացրել վարչապետին, որը սակայն կառավարության ղեկավարի աշխատակազմի կողմից չեղարկված է համարվել:

Բանն այն է, որ Զոլյանը դիմումը ներկայացրել է ԵՊԼՀ բլանկի վրա և ներկայացել է որպես համալսարանի պրոֆեսոր, այնինչ նրան ասել են, որ պետք է ներկայանար որպես քաղաքացի:

Հանդիպումից հետո ԵՊԼՀ մի քանի ուսանողներ շարժվեցին դեպի կառավարության շենք՝ Սուրեն Զոլյանի դիմումը վարչապետին փոխանցելու նպատակով: