ԱՄՆ նավերի խմբավորումը, որը մարտական հերթապահություն է իրականացնում Իրանի ափերի մոտ, ներկայումս «Տոմոհավկ» տիպի 430 թևավոր հրթիռ ունի 1,6 հազար կմ հեռահարությամբ: ԱՄՆ ՌԾՈւ իրազեկման ծառայությունը հայտնել է, որ այժմ Պարսից ծոցում է գտնվում ավիակիրների հարվածային խումբը: Ավիակիրների ևս մեկ խումբ տեղակայված է Արաբական ծովի հյուսիսային մասում: Բացի այդ, նույն տարածաշրջանում է գտնվում նաև ատոմային «Ջորջիա» սուզանավը 154 թևավոր հրթիռով:

Ըստ փորձագետների, առկա հրթիռների քանակը բավարար է, ռազմական գործողությունների դեպքում Իրանի ՀՕՊ բոլոր հիմնական միջոցները շարքից դուրս բերելու համար:

Լիբիայում ՆԱՏՕ-ի գործողության առաջին իսկ օրերին ամերիկյան նավերից ու սուզանավերից արձակվել է մոտ 110 թևավոր հրթիռ, հայտնում է Ինտերֆաքսը: