ԱՄՆ Ջեքսոն-Վենիկի ուղղումը կարող են չեղյալ հայտարարել արդեն այս տարի
ԱՄՆ Կոնգրեսականները մտադիր են արդեն ընթացիկ տարում չեղյալ հայտարարել Ռուսաստանի հետ առևտրի սահմանափակման վերաբերյալ Ջեքսոն-Վենիկի ուղղումը:
Ինչպես հաղորդում է Ինտերֆաքսը, Կոնգրեսի Հելսինկյան հանձնաժողովի նախագահ, դեմոկրատ սենատոր Բենջամին Կարդինի խոսքով` դա, սակայն, տեղի կունենա այսպես կոչված «Մագնիտսկու ցուցակի» ընդունման հետ միասին:
Կարնեգիի վաշինգտոնյան հիմնադրամում Կարդինը հայտնել է, որ կոնգրեսը կանի ամեն հնարավոր բան «Մագնիտսկու ցուցակի» ընդունման հետ միասին Ջեքսոն-Վենիկի ուղղումից հրաժարվելու համար: Միևնույն ժամանակ սենատորը նշել է, որ հայտնի չէ, թե դրան ինչպես կարձագանքի Բարաք Օբամայի վարչակազմը:
