Կիևում ներկայացվել են 2012-ի Եվրոպայի ֆուտբոլի առաջնության տոմսերը: Կազմակերպիչների խոսքով, իրենք որոշել են տոմսերը ներկայացնել մրցաշարը սկսվելուց 46 օր առաջ: ՈՒԵՖԱ-ն համարել է, որ որքան ուշ ցուցադրվեն տոմսերը, այնքան մեծ կլինեն շանսերը, որ խարդախները չեն հասցնի կեղծել դրանք:
Տոմսերը մշակվել են պաշտպանության մի քանի աստիճաններով, որոնք պետք է անհնար դարձնեն դրանք կեղծելը:
ՈՒԵՖԱ-ի տվյալներով, 206 երկրների երկրպագուների կողմից ներկայացվել է 12 149 425 հայտ, ինչը 17 տոկոսով գերազանցում է չորս տարվա վաղեմության ցուցանիշը:
ՈՒԵՖԱ-ն մայիսի սկզբին կսկսի տոմսերի լրացուցիչ վաճառք: