Անվանի Forbes գործարար ամսագիրը գործարկել է նոր ինտերնետ ծառայություն, որը թույլ է տալիս օնլայն ռեժիմով հետևել համաշխարհային հարուստների վարկանիշում դասավորության փոփոխություններին: Այդ մասին ասվում է հրատարակության պաշտոնական կայքում:
Real-Time Billionaires ծառայության վարկանիշում ներկայացվելու են 50 հորիզոնականներ, որոնք նորացվելու են յուրաքանչյուր հինգ րոպեն մեկ, սկսած Նյու Յորքի ֆոնդային բորսայում բացման պահից, գրում է ՌԻԱ Նովոստին:
Վարկանիշի ստեղծողներն առաջարկում են օգտագործողներին ամեն օր տեղեկատվություն ստանալ այն մասին, թե ինչպես են հաջողակ գործարարները թեթևությամբ միլիոններ կորցնում և կրկին վաստակում: