Ամերիկյան էլեկտրոնային գիգանտ Apple ընկերության շահույթն անցած եռամսյակում ավելացել է 94 տոկոսով մինչև 11,6 մլրդ դոլար 2011-ի նույն շրջանի հետ համեմատած: Վերջին երեք ամիսների աշխատանքի մասին հաշվետվությունն ընկերությունը հրապարակել է ապրիլի 25-ին համաշխարհային ֆինանսական շուկայում, հաղորդում է ԻՏԱՐ-ՏԱՍՍ-ը:
Դրա արդյունքներն ավելի տպավորիչ են եղել, քան դա կանխագուշակել են մասնագետները: Apple-ի ակցիաներն անհապաղ արձագանքել են փոխարժեքի 8 տոկոս աճով:
Ընկերությանը մեծ շահույթ է ապահովել առաջին հերթին Չինաստանում iPhone սմարթֆոնների վաճառքի ընդլայնումը: Ընդհանուր առմամբ առաջին եռամսյակում դրանց համաշխարհային վաճառքը հասել է 35,1 մլն հատի:
Միաժամանակ մինչև 110 մլրդ դոլար ավելացել է կանխիկ գումարի չափսը, որը գտնվում է Apple հաշիվներում, նշում են մասնագետները: