Հայաստանի նախագահ Ռոբերտ Քոչարյանը չի մասնակցի հունիսին Ստամբուլում կայանալիք ՆԱՏՕ-ի գագաթնաժողովին: Այդ մասին այսօր հայտնել է ՀՀ նախագահի մամուլի քարտուղար Աշոտ Քոչարյանը: Նրա խոսքերով`նման որոշման պատճառը «հայ-թուրքական հարաբերությունների ներկա վիճակն է»: Ընդսմին խոսնակը նշել է, որ Հայաստանի եւ ՆԱՏՕ-ի հարաբերությունները «վերընթաց են ապրում», հիշեցնելով, որ Ռ.Քոչարյանը մասնակցել է Վաշինգթոնում եւ Պրահայում անցկացված ՆԱՏՕ-ի եւ Եվրաատլանտյան գործընկերության խորհրդի վերջին երկու գագաթնաժողովներին: Ստամբուլում կայանալիք ՆԱՏՕ-ի գագաթնաժողովում Հայաստանը կներկայացնի արտգործնախարար Վարդան Օսկանյանը: