Ղարաբաղի ազատագրման կազմակերպությունը (ՂԱԿ) «մտադիր չէ հայ զինծառայողներին թողնել Բաքու` ՆԱՏՕ-ի «Համատեղ լավագույն ջանք-2004» զորավարժություններին մասնակցելու համար: Այս մասին հայտարարել է ՂԱԿ-ի առաջնորդ Ակիֆ Նաղին: Ընդսմին նա բողոք է հայտնել Եվրոպայում ԱՄՆ զինված ուժերի փոխհրամանատար գեներալ Չարլզ Վոլդի վերջերս արված այն հայտարարության կապացությամբ, որ Ադրբեջանը կստեղծի բոլոր պայմանները զորավարժություններին հայ զինծառայողների մասնակցության համար: Նաղիի խոսքերով` «նման հայտարարությունները մեզ համար ոչինչ չեն նշանակում», եւ Ղարաբաղի ազատագրման կազմակերպությունը թույլ չի տա հայ զինվորականներին ժամանել Բաքու: