Հայ լեգենդար բռնցքամարտիկ Վլադիմիր Ենգիբարյանը Հայաստանում նշեց 80-ամյակը
Ապրիլի 25-ին “Մոսկվա” կինոթատրոնում տեղի ունեցավ Օլիմպիական չեմպիոն, Եվրոպայի եռակի չեմպիոն բռնցքամարտիկ Վլադիմիր Ենգիբարյանի ծննդյան 80-ամյակին նվիրված միջոցառում:
Այն կազմակերպել էր ազգային Օլիմպիական կոմիտեն: Միջոցառմանը ցուցադրվեց Էդվին Գրիգորյանի ֆիլմը, որը պատմում էր հայ լեգենդար բռնցքամարտիկի անցած ճանապարհի մասին:
ՀԱՕԿ նախագահ Գագիկ Ծառուկյանը շնորհավորեց Ենգիբարյանին` մաղթելով երկար ու առողջ տարիների կյանք. “Մենք դեռ անցած տարի, երբ Երևանում բռնցքամարտի դպրոցը կոչվեց Ենգիբարյանի անվամբ` պայմանավորվեցինք, որ այս տարի մեր շատ սիրելի մարզիկը ԱՄՆ-ից կգա Հայաստան և միասին կնշենք նրա տարեդարձը”:
Ենգիբարյանին շնորհավորական ուղերձներ էին հղել մի շարք կառույցներ, այդ թվում նաև Եվրոպայի բռնցքամարտի ֆեդերացիան:
