«Ժողովուրդ»-ի լավատեղյակ աղբյուրների փոխանցմամբ`«Բարգավաճ Հայաստան» կուսակցության առաջնորդ Գագիկ Ծառուկյանին վերջին շրջանում քաղաքական շատ հարցերում խորհուրդներ է տալիս Հայաստանի հանրապետական կուսակցության գործադիր մարմնի անդամ Դավիթ Հարությունյանը: Հայտնի է, որ ՀՀ ԱԺ պետիրավական հարցերի մշտական հանձնաժողովի նախագահ Հարությունյանը ՀՀԿ շտաբի պետ Հովիկ Աբրահամյանի հավատարիմ պաշտոնյան է: Իսկ Աբրահամյանն էլ իր հերթին հավատարիմ է ԲՀԿ առաջնորդ-խնամուն: «Ժողովուրդ»-ը փորձել է Դավիթ Հարությունյանի և Գագիկ Ծառուկյանի կապի մասին տեղեկությունները ճշտել Ծառուկյանի մամլո խոսնակ Խաչիկ Գալստյանից: Վերջինս ասել է, թե նման բան չկա. «Դա կատարայալ հիմարություն է»: