Այսօր մտավոր սեփականության միջազգային օրն է: Լրագրողների հետ հանդիպմանը ՀՀ էկոնոմիկայի նախարարության Մտավոր սեփականության գործակալության պետի տեղակալ Անդրանիկ Խաչիկյանը բացատրեց, որ օրենքով սահմանված կարգով մտավոր սեփականությունը` իրավունքն է: Այն բաժանվում է երկու հիմնական ճյուղերի` հեղինակային իրավունքի և արդյունաբերական սեփականությայն: ՀՀ Էկոնոմիկայի նախարարության մտավոր սեփականության պահպանության գործակալությունը զբաղվում է արդյունաբերական սեփականության գրանցումով:
«Հեղինակային իրավունքի դեպքում մենք գրանցում չենք իրականացնում, չնայած որ ամենաշատ խախտումները կատարվում են հենց արվեստի բնագավառում: Սակայն մեր գործակալությունը զբաղվում է միայն արդյունաբերական սեփականության գրանցումով»,- ասաց բանախոսը:
Գործակալությունը ընդունում է հայտեր, իրականացնում փաստաթղթային ստուգումներ, այնուհետև`պաշտոնական տեղեկագիր տալիս: Սակայն իրավունեքների խախտումների արձանագրման հետ կապված որևէ գործոռույթ չի իրականացնում: «Հիմնականում տեղեկանում ենք դրանց մասին մամուլից: Եթե կազմակերպությունները կամ անհատները ցանկանում են տեղեկություն ստանալ՝ կան խախտումներ, թե ոչ, նրանք կարող են դիմել մեզ»,- նշեց Խաչիկյանը:
Ի դեպ, պարզվում է, որ գործակալությունը հիմնականում առնչվում է ապրանքային նշաններին վերաբերող խախտումների հետ:
