Իշխանությունը Մերձավոր Արևելքում չպետք է ծայրահեղակններին անցնի, նման սպառնալիք կա, հայտարարել է ՌԴ նախագահ Դմիտրի Մեդվեդև ռուսական հեռուստաալիքներին տված հարցազրույցում, հայտնում է ՌԻԱ Նովոստի գործակալությունը:

«Ինչ վերաբերում է իրավիճակին արաբական աշխարհում, ապա, անշուշտ, իրավիճակն անկայուն է: Մի շարք երկրներում ծայրահեղականները ձգտում են զավթել իշխանությունը, նրանց հետ աշխատել շատ ավելի դժվար կլինի: Դա բժշկական փաստ է: Ես բոլորին եմ դա ասում՝ և մեր ամերիկացի գործընկերներին, և եվրոպացի, որ բարեփոխումների, նույնիսկ ամենալավ բարեփոխումների նպատակը չպետք է լինի իշխանության փոխանցումը ծայրահեղականներն, իսկ նման վտանգ կա: Հուսանք, որ մարդիկ այդ երկրներում ճիշտ ընտրություն կանեն»,-ասել է Մեդվեդևը: