Մայիսի 27-ին Բրատիսլավայում կայանալիք ՆԱՏՕ-ի Խորհրդարանական վեհաժողովի նստաշրջանին Ադրբեջանի պատվիրակությունը մտադիր է բարձրացնել ղարաբաղյան հակամարտության կարգավորման հարցը: Ինչպես հաղորդում է «Ինտերֆաքս» գործակալությունը` վկայակոչելով ադրբեջանական պատվիրակության ղեկավար, Միլլի մեջլիսի փոխխոսնակ, պաշտպանության - անվտանգության հարցերի խորհրդարանական հանձնաժողովի նախագահ Զիյաֆեթ Ասքերովին, նստաշրջանի օրակարգում ընդգրկված են Կովկասի իրավիճակին եւ ահաբեկչության դեմ պայքարին վերաբերող հարցեր: