ՖԻՖԱ-ի հանձնաժողովը տեսչական շրջագայություն է սկսել Ռուսաստանի Հյուսիս-արևմտյան տարածաշրջանի քաղաքներով, որոնք հավակնում են 2018-ի աշխարհի առաջնության խաղերի անցկացմանը: Ապրիլի 26-ին միջազգային կազմակերպության ներկայացուցիչները ժամանելու են Սանկտ Պետերբուրգ, որտեղ գնահատելու են հյուսիսային մայրաքաղաքի ենթակառուցվածքը և այցելելու են նոր «Զենիթ» մարզադաշտ, հաղորդում է ՌԻԱ Նովոստին:

Ապրիլի 27-ին հանձնաժողովը մեկնելու է Կալինինգրադ: Մայիսին նման այցելություն են կատարելու Եկատերինբուրգ, Յարոսլավլ և Մոսկվա, իսկ հունիսին՝ Կազան, Նիժնի Նովգորոդ, Սարանսկ, Սամարա և Վոլգոգրադ: