Երևանի ֆուտբոլի Ակադեմիայում առաջին անգամ Հայաստանում տեղի է ունեցել դարպասապահների մարզիչներին սեմինար ՖԻՖԱ-ի հովանու ներքո: Սեմինարը վարում էր ՖԻՖԱ-ի հրահանգիչ, սլովակ մասնագետ Ալեքսանդր Վենցելը:
Սեմինարին մասնակցում էին Հայաստանի Բարձրագույն խբմի թիմերի դարպասապահների բոլոր մարզիչները, մարզիչներ Հայաստանի տարբեր մարզերից, ինչպես նաև մի շարք ակումբների գլխավոր մարզիչներ: 5 օր տևած սեմինարի ընթացքում անցկացվել են ինչպես տեսական, այնպես էլ գործնական պարապմունքներ:
Մարզիչները ծանոթացել են դարպասապահների մարզման տարբեր ոճերին բոլոր տարիքային խմբերում, տեղի է ունեցել փորձի փոխանակում սլովակ մասնագետի և հայ մարզիչների միջև: Հայ մարզիչները ներկայացրել են Հայաստանում դարպասապահների կրթման գործընթացի կազմակերպումը, առանձնահատկությունները, ինչպես նաև ծանոթացել արտասահմանյան ֆուտբոլային դպրոցների աշխատաոճին:
Սեմինարին մանսակցել է նաև ՀՖՖ տեխնիկական տնօրեն, ազգային հավաքականի գլխավոր մարզիչ Վարդան Մինասյանը:
