Մայիսի 3-ին Գ. Սունդուկյանի անվան պետական ակադեմիական թատրոնում Հայաստանի մշակույթի նախարարությունն ամփոփել է «Իմ և մեր հաղթանակները» լուսանկարչական մրցույթի արդյունքները:
«Մրցույթն այդպես անվանելով մենք նկատի ունեինք ոչ միայն Հայրենական մեծ պատերազմում և ղարաբաղյան պատերազմում տարած հաղթանակները, այլ նաև մեր ամենօրյա հաղթանակները»,- PanARMENIAN.Net-ի թղթակցին ասել է մշակույթի փոխնախարար Արթուր Պողոսյանը:
Նրա խոսքով, մշակույթի նախարարությունն այդ մրցույթը հայտարարել է երկու ամիս առաջ: Այդ ընթացքում ներկայացվել են 30 աշխատանքներ, որոնցից պրոֆեսիոնալ ժյուրին ընտրել է երեք լավագույն աշխատանքները:
Լավագույն աշխատանքների հեղինակները պարգևատրվել են պատվոգրերով և դրամական մրցանակներով: