Երևանի քաղաքապետ Տարոն Մարգարյանի և իտալական Ռենկո ընկերության տնօրեն Ջիովանի Ռուբինիի ու նրա ուղեկցությամբ հանդիպման եկած իտալական ընկերության ներկայացուցիչների հետ հանդիպման ընթացքում քննարկվել են մայրաքաղաքային տնտեսության տարբեր ոլորտներում հնարավոր համագործակցության հարցեր: Ինչպես PanARMENIAN.Net-ւ հաղորդում են Քաղաքապետարանի տեղեկատվության և հասարակայնության հետ կապերի վարչությունից` քաղաքապետը` ողջունելով հյուրերին, ներկայացրել է քաղաքային տնտեսության կառավարման իր մոտեցումները:
Քաղաքապետը կարևորել է միջազգային մասնագիտացած ընկերությունների ներգրավումը. «Երևանի քաղաքապետարանը բաց և պատրաստակամ է քննարկելու և իր լիազորությունների շրջանակում օժանդակելու Երևանում ներդրումային ծրագրերի իրականացմանը: Մենք կարևորում ենք հատկապես պետություն-մասնավոր համագործակցությունը, որը կարող է լուրջ ազդեցություն ունենալ տնտեսության զարգացման և ենթակառուցվածքների արդիականացման հարցում>>: Ռենկո ընկերության տնօրեն Ջիովանի Ռուբինին վստահեցրել է, որ ընկերությունը կարող է լուրջ դերակատարում ունենալ Երևանի զարգացման ծրագրերի իրականացման հարցում:
ընկերության նախագահ Ադոլֆո Գուցինին ևս ընդգծել է, որ քաղաքային տնտեսության զարգացման հարցում իրենց ընկերությունը պատրաստակամ է ներգրավվել զարգացման ծրագրերի իրականացման գործում:
Տարոն Մարգարյանը առաջարկել է ստեղծել աշխատանքային խումբ, որը կուսումնասիրի առաջարկվող ներդրումային ծրագրերը` այդ թվում ընկերության մասնագետների կողմից տեղում ուսումնասիրելով դաշտը, որի արդյունքում կնախապատրաստվի ներդրումային հստակ առաջարկի փաթեթը:
