Միջազգային հանրությունն Իրանին թույլ չի տա իր մշակումների արդյունքում միջուկային զենք ստանալ: Ինչպես նշվում է Եվրասիական հրեական կոնգրեսի կայքում, այդ մասին ամերիկյան հրեական կազմակերպությունների ներկայացուցիչների հետ հանդիպմանը հայտնել է Գերմանիայի արտգործնախարար Գիդո Վեստերվելլեն:
Այս կապակցությամբ նա հայտնել է, որ իր երկիրը կշարունակի աջակցել Իսրայելին: Գերմանիայի ԱԳ նախարարը մտահոգություն է հայտնել Իսրայելին հարված հասցնելու առնչությամբ Իրանի սպառնալիքների վերաբերյալ:
Վեստերվելլեն կոչ է արել շարունակել բանակցությունները Թեհրանի հետ, բայց ընդգծել է, որ միջազգային հանրության համբերությունն անսահման չէ: