Երևանի Կենտրոն վարչական տարածքի 10/21 ընտրատեղամասում իր քաղաքացիական պարտքն է կատարել ՀՀ վարչապետ Տիգրան Սարգսյանը: Լրագրողների հետ զրույցում նա ասել է, որ քվեարկել է Հայաստանի պայծառ ապագայի համար: «Ես եկել եմ տոնական տրամադրությամբ իմ ընտանիքի հետ: Առաջին հերթին մենք ակնկալում ենք, որ ընտրություններին կմասնակցեն ընտրելու իրավունք ունեցող Հայաստանի բոլոր քաղաքացիները: Մենք ստեղծել ենք բոլոր պայմանները, որպեսզի ընտրություններն անցնեն օրինական դաշտում , թույլ չտրվեն խախտումներ և համոզված եմ, որ մեր նորանկախ պետության պատմության մեջ դրանք լինելու են ամենաթափանցիկ ընտրությունները»,-ասել է վարչապետը: