Ընտրություններում խախտումների դեմ պայքարի միջկուսակցական շտաբի անդամները հանդես են եկել համատեղ հայտարարությամբ, որում ասվում է, որ իրենք վստահության արժանի չեն համարում քվեարկությանը մասնակցած ընտրողների մասին հրապարակված թվերը:

Նրանք նշել են, որ այդ թվերը միայն սրում են կասկածները ընտրական գործընթացի օրինականության վերաբերյալ:

Շտաբի անդամներն ընդգծել են, որ անհրաժեշտ են համարում շարունակել ընտրական գործընթացի բողոքարկման և ձայների վերահաշվարկման ուղղությամբ ջանքերը: Միջկուսակցական շտաբի ներկայացուցիչների խոսքով` ընտրությունների մասին վերջնական հայտարարությունը կկատարվի այն բանից հետո, երբ իրենք ծանոթանան ողջ տեղեկատվությանը:

Նրանք հայտարարել են նաև, որ իրենք չեն վստահում և չեն ընդունում Exit poll-երի արդյունքները: