Արցախի նախագահ Բակո Սահակյանն այսօր` մայիսի 7-ին, Ստեփանակերտի «Պարկ Հոթել Արցախ» հյուրանոցում մասնակցել է Հաղթանակի տոնի, Լեռնային Ղարաբաղի Հանրապետության պաշտպանության բանակի և Շուշիի ազատագրման 20-ամյակի առթիվ կազմակերպված ցուցահանդեսին:
Նախագահի տեղեկատվական կենտրոնի հաղորդմամբ, Սահակյանը կարևորել է մայիսյան Մեծ եռատոնին նվիրված աշխատությունների և կոթողների ստեղծումը՝ այն համարելով հայրենասիրական դաստիարակության կարևոր բաղադրիչներից մեկը: