ԱՄՆ-ը ծրագրում է սիրիացիներին 40 մլն դոլար հատկացնել` որպես հումանիտար օգնություն
ԱՄՆ վարչակազմը ծրագրում է Սիրիայում բռնկված բռնության ալիքից ստիպված հարևան երկրներ փախուստի դիմած բնակչությանը 40 մլն դոլար հատկացնել` որպես հումանիտար օգնություն:
Սիրիական փախստականների ճշգրիտ թիվը հայտնի չէ: Համաձայն ՄԱԿ-ի տվյալների` նրանց թիվը կազմում է 65 հազ. մարդ:
Մեկ այլ տվյալների համաձայն` այդ թիվը հասնում է 200 հազարի:
Ավելի վաղ Եվրոպայի Խորհրդի Խորհրդարանական Վեհաժողովը (ԵԽԽՎ) հանդես էր եկել Սիրիայում վիրավորներին և փախստականներին հումանիտար օգնություն տրամադրելու կողմից:
