«Երկիր». Արամ Սարգսյանն այսօր պաշտոնապես կհայտարարի, որ վայր է դնելու մանդատը
«Երկիր» օրաթերթը գրում է, որ այսօր «Հանրապետություն» կուսակցության գրասենյակում տեղի կունենա կուսակցության նախագահ Արամ Սարգսյանի ասուլիսը: Շրջանառվող լուրերի համաձայն՝ Արամ Սարգսյանը պաշտոնապես կհայտարարի, որ վայր է դնելու մանդատը: «Հիշեցնենք, որ այս մասին խոսակցություններ վաղուց կային: Չի բացառվում նաև, որ Արամ Սարգսյանը դուրս գա ՀԱԿ-ից»,- գրում է թերթը: Սարգսյանի հետ կապվել «Երկրին» չի հաջողվել. նա չի պատասխանում թերթի հեռախոսազանգերին: «Նշենք նաև, որ որոշ տեղեկությունների համաձայն՝ մանդատից պատրաստվում է հրաժարվել նաև Ստեփան Դեմիրճյանը»,- գրում է թերթը:
