Լեհական իշխանությունները մայիսի 11-ին ՈւԵՖԱ-ի տնօրինությանն են հանձնել EURO-2012-ի բոլոր 4 մարզադաշտերը, որտեղ կանցկացվեն 2012թ ֆուտբոլի Եվրոպայի առաջնության խաղերը:

«Այսօրվանից մարզադաշտերը հանձնվում են ՈւԵՖԱ-ի տնօրինությանը, որպեսզի մենք կարողանանք տարածքները նախապատրաստել խաղերին, հյուրերին և հավաքականներին ընդունել, խորհրդանիշը տեղադրել»,-ասել է լեհական EURO-ի կազմկոմիտեի ներկայացուցիչ Էվա Պրոկոպյակը:

Խաղերից հետո լեհական Վարշավա, Վրոցլավ, Գդանսկ և Պոզնան քաղաքների մարզադաշտերը կվերադարձվեն տերերին` նախկին տեսքով: