Հայաստանի Ազգային Ժողովն այսօր վավերացրել է հայ-քուվեյթական միջպետական համաձայնագիրը Հայաստանի զինված ուժերի կարգավիճակի մասին: Ինչպես «Մեդիամաքս» գործակալությանը տեղեկացրել է ՀՀ խորհրդարանի պաշտպանության, ազգային անվտանգության եւ ներքին գործերի հարցերով հանձնաժողովի նախագահ Մհեր Շահգելդյանը, տվյալ փաստաթուղթը սահմանում է հայ զինծառայողների ներկայության կարգը Քուվեյթում, որտեղից նրանք կուղարկվեն Իրաք` այդ երկրի հեպատերազմյան վերականգնմանը մասնակցելու համար: Հիշեցնենք, որ 50 հայ զինվորական մասանագետների գործուղումն Իրաք նախատեսվում է մինչեւ ընթացիկ տարվա աշուն: Կգործուղվեն ռազմական բժիշկներ, սակրավորներ եւ վարորդներ` տրանսպորտային փոխադրումների կազմակերպման համար: