Խորհդարանական ընտրություններին նախորդող լռության օրը քարոզչություն չիրականացնելու մասին օրենքը խախտել են երկու օրաթերթեր` «Չորրորդ ինքնիշխանությունը» և «Ժամանակը»։ PanARMENIAN.Net-ի թղթակցին այս մասին ասաց Կենտրոնական ընտրական հանձնաժողովի մամուլի քարտուղար Հերմինե Հարությունյանը` նշելով, ԿԸՀ –ում այդ առթիվ լսումներ են կազմակերպվել։
«Մենք հրավիրել ենք օրաթերթերի ներկայացուցիչներին, սակայն «Ժամանակ» օրաթերթից ոչ ոք չի ներկայացրել, իսկ «Չորրորդ ինքնիշխանությունից»` միայն մեկ լրագրող»,–ասաց մամուլի խոսնակը` հավելելով, որ դեռ վաչական վարույթ չի հարուցվել այս երկու դեպքերի առթիվ։
Հերմինե Հարությունյանը նաև հաղորդեց, որ օնլայն լրատվամիջոցների կողմից լռության օրը քարոզչություն իրականացնելու վերբերյալ դիմում–բողոք ԿԸՀ-ն չի ստացել։
Իսկ ինչ վերաբերում է հեռուստատընկերություններին, ապա բացի Գալուստ Սահակյանի` «Կենտրոն» հեռուստաընկերության դեմ ներկայացրած բողոքի, այլ դիմումներ չեն եղել։