Լեռնային Ղարաբաղի նախագահ Արկադի Ղուկասյանը հունիսի 14-ին Փարզիում հանդիպել է ԵԱՀԿ ղարաբաղյան հակամարտության կարգավորման հարցերով Մինսկի խմբի ֆրանսիացի համանախագահ Անրի Ժակոլենին: Ինչպես այսօր հայտնել են Լեռնային Ղարաբաղի ԱԳՆ մամուլի ծառայությունում, զրույցի ընթացքում քննարկվել են ղարաբաղյան հակամարտության կարգավորման հեռանկարների հետ կապված հարցեր: Հիշեցնենք, որ Ա.Ղուկասյանը գտնվում է Ֆրանսիայում ղարաբաղյան հակամարտության գոտում զինադադարի հաստատման 10-ամյակի կապակցությամբ անցկացվող միջոցառումներին մասնակցելու համար: